Анри во нова улога, ќе биде селектор!

Легендарниот Французин, Тиери Анри ќе има нова улога и на кратко ќе биде селектор на Белгија.

Имено, Анри ќе ја води Белгија во натпреварот против Холандија во Лигата на Нации. Првиот тренер на Белгија, Роберто Мартинез поради неспортски потег заработи црвен картон против Велс, па сега улогата на селектор ќе му припадна на Анри.

Минатата година Анри се врати во улогата на помошен тренер во репрезентација, пристигна да му помогне на Мартинез и да биде дел од стручниот штаб за Мундијалот во Катар.

Анри се впушти во тренерските води од 2014 година кога стави крај на играчката кариера. Натпреварот помеѓу Холандија и Белгија е закажан за в недела.