Англичаните се „тепаат“ за него, но тој сака во Баерн!

Фудбалерот на Бешикташ, Ченк Тосун се наоѓа на мета на бројни европски клубови, пред се на клубовите од Премиер лигата.

Англиските медиуми пренесуваат дека Кристал Палас е силно заинтересиран за овој напаѓач и дека е спремен да понуди 14 милиони евра за него во јануари.

Овој 26-годишен напаѓач меѓу останатите клубови се наоѓа и на мета на Баерн Минхен.

Тосун е роден во Германија и медиумите пренесуваат дека е голем фан на баварскиот клуб, па Баерн е негов прв избор.

Баварците ќе се обидат да го донесат во јануари како алтернатива за Левандовски, а Бешикташ за неговата слобода бара 20 милиони евра.