Ангеловски им посака успех на репрезентативците: Веќе покажавте дека можеме!

Поранешниот и најуспешен селектор на македонската репрезентација, Игор Ангеловски се огласи по повод историскиот меч против Италија.

Ангеловски им посака среќа на репрезентативците и ги потсети дека веќе покажале во Торино дека можат да играат против „аѕурите“.

„Пред вечерашниот натпревар со Италија, четирикратен светски и актуелниот европски првак, сакам да Ви посакам среќа за уште еден успех. Влогот е огромен и за Македонија и за Италија, а во Торино пред многу години покажавте дека го можете тоа. НАВИВАМЕ ЗА МАКЕДОНИЈА“ гласеше пораката на  Ангеловски.