Ал Хилал нуди 100 милиони за ѕвездата на Барселона

Челниците на Ал Хилал од Саудиска Арабија спремија богата понуда за ѕвездата на Барселона, Рафиња.

Одличните игри на Ламин Јамал на десната страна на нападот значеа дека минутажата на Рафиња драстично се намали. 

Поради тоа Барселона е спремна да го продаде и сака да заработи на неговото заминување на лето.

Интерес за Бразилецот покажуваат и клубови од Премиер лигата, но Ал Хилал е спремен да ја победи конкуренцијата со понуда која не се одбива.

Самиот фудбалер би имал многу подобри услови во новата средина отколку што има во сегашниот клуб. Имено, саудискиот клуб му нуди тројно повисока плата од актуелната.