Алкараз со спектакуларен пресврт го победи Синер за финале на Ролан Гарос

Карлос Алкараз победи во полуфиналето на Ролан Гарос против Јаник Синер со 3:2 во натпревар кој важеше како „финале пред финалето“.

Првиот сет го доби Синер со 6:2 во гемови, но Шпанецот веднаш возврати со 6:3 и израмни.

Алкараз добро го започна третиот сет и му го одзеде сервисот на Синер, но одличниот Италијанец одговори со два брејка и на крајот го доби сетот со резултат 6:3 за водство од 2:1 во сетови.

Меѓутоа, Алкараз не се предаде и приреди спектакуларен пресврт и ги освои следните два сета со 6:4 и 6:3 за пласман во финале.