Алисон станува најскап голман на сите времиња

Голманот на Рома, Алисон Бекер ова лето би можел да стане најскапиот голман на сите времиња, пренесуваат италијанските медиуми.

„Калчомеркато“ тврди дека Рома е спремна да го пушти фантастичниот голман, но за неговата слобода бара неверојатни 100 милиони евра.

Најсилен интерес за Алисон покажува Ливерпул, но Јирген Клоп сигурно не е спремен да ја плати сумата која ја бара Рома.

Сепак, медиумите на Островот тврдат дека клубот од „Енфилд“ е спремен да плати 70 милиони евра за неговиот потпис, со што Алисон ќе стане најскапиот голман во историјата на фудбалот.

25-годишниот Бразилец е член на Рома од 2016 година, а пристигна од редовите на бразилскиот Интернационал.

За неговите услуги покрај Ливерпул заинтересирани се уште Реал Мадрид и Пари Сент Жермен.