Алиоски: Среќен сум за голот, нема одмор не чека Манчестер Јунајтед

Maкедонскиот репрезентативец Езгјан Алиоски вчера во победата од 5:2 на Лидс против Њукасл го постигна првиот гол во Премиер лигата.

Треба да се спомене дека ова беше прв гол во Премиер лигата на еден Македонец после пауза од 22 години кога Ѓорѓи Христов постигна гол за Барсли во 1998. По натпреварот Џани секако беше пресреќен.

„Среќен сум за секој гол, убаво е кога ќе дадете пет гола и тоа од пет различни играчи. Ме радува брзата транзиција кога го дадов голот. Транзицијата од одбрана во напад ни беше навистина одлична, заслуживме ваква победа“.

Any pundit or fan that claims Leeds’ recent form has been down to tiredness and potentially burnout – watch this.

85th minute. Newcastle corner, turned into 5 against 2. Alioski goal.#lufc #alaw #mot pic.twitter.com/nYdVNDAni8

— LeedsUnited.News (@LeedsUtd_News) December 16, 2020

Лидс не се откажува од атрактивниот стил на игра.

„Не се откажуваме и веруваме во стилот кој го играме. Успесите ќе дојдат, наше е да работиме и да бидеме среќни. На секој меч го даваме максимумот, но не може секогаш резултатот да биде во ваша полза. Како што кажав ние работиме и веруваме, успехот ќе дојде. Немаме многу време за одмор не чека натпреварот со Манчестер Јунајтед“, изјави Алиоски.