Александар Тодоров е нов селектор на кошаркарите!

Александар Тодоров денеска официјално беше претставен како но селектор на кошаркаркарската репрезентација.

Македонскиот тренер денес стави потпис на 18-месечен договор и се надева дека ќе обезбеди пласман на ЕП 2021.

Квалификациите ќе ги започнеме на 20 февруари дома против Естонија, ривал кој што можеби ќе ни биде решавачки за пласман на континенталниот собир, а три дена подоцна гостуваме кај Русија.

„Ова е еден момент каде покрај барањето пласман на ЕП треба и да се подмлади репрезентацијата бидејќи имаме неколку генерации на младински селекции кои успешно се натпреваруваа на првенствата. Имаме некои млади играчи кои успешно настапуваат во македонското првенство и странство. Подмладување на репрезентација можеби звучи како алиби, но не е така, тоа е потреба да им се даде шанса на тие деца кои за 3-4 години треба да бидат основниот костур на репрезентацијата“, истакна Тодоров.

Тодоров претходно ги предводеше екипите на Крајова, Левски Софија, МЗТ Скопје, Пеќ, Динамо Букурешт, Балкан…