Алвеш ја откри причината поради која го напушти Јуве!

Дани Алвеш во текот на вчерашниот ден и официјално стана член на францускиот клуб, ПСЖ, а денес ја откри причината поради која го напуштил италијанскиот гигант.

Додека Бразилецот престојуваше во Јувентус изгледаше дека се е во ред помеѓу двете страни, но Алвеш откри дека имало несогласувања помеѓу него и управата.

„Потребно беше некое време да воспоставиме баланс помеѓу она што јас го мислев и со тоа што тие го мислеа, а кога го пронајдовме тој баланс, резултатите беа забележителни. Она што јас можев да им го донесам е одлична атмосфера во соблекувалната“, изјави Алвеш.

Но, од каде тогаш проблеми?

„Во соблекувалната не ни беше дозовлено да пуштаме музика, а јас без музика и танц не можам да живеам. Јас не сум луд да ги менувам правилата ,секој има свој начин преку кој енергијата им ја пренесува на другите. Сакам позитивна и колегијална атмосфера. Се сомневав дека можеме да постигнеме такво нешто, но полека работите одеа на подобро и имавме добар втор дел од сезоната. Јас сум спонтана личност, но никогаш не се обидувам да повредам некого или да му пречам“- открива Алвеш кој потоа зборуваше за одлуката да го избере ПСЖ пред Манчестер Сити.

„Разговарав со Гвардиола, му ги објаснив моите причини. Многу поминавме заедно и имам големо почитување, но на крајот сам ја донесов одлуката. Не дојдов туку поради една причини, туку поради повеќе, пред се тука е спектакуларниот проект. Неколку денови во низа добивав повици од луѓето во клубот, ми го објаснија нивниот проект и амбициите, на крајот успеаа да ме убедат“, заврши Бразилецот.