Азар откри каков е Мурињо кога победува, а каков кога губи

Еден Азар во разговор за медиумите се потсети како е да се соработува со Жозе Мурињо.

За време на ерата на Мурињо во Челзи се шпекулираше дека Еден Азар е еден од оние кои ја предводеле побуна против Португалецот, меѓутоа таквите гласини Белгиецот ги отфрли.

„Последната сезона со Мурињо во Челзи не беше пријатна. Не победувавме и не се забавувавме на тренинзите. Најдобро за сите беше што се разделивме. Но, ако ме прашате мене со кој тренер би сакал повторно да соработувам, би ви одговорил – Мурињо“.

„Кога не победувате, ги критикува играчите, тоа и вие го знаете. Но, јас се помирив со тоа. Меѓутоа кога победувате не можете да замислите подобар тренер од Мурињо. Тогаш тој ви е как одруга. Ако бараш еден слободен ден, ќе добиеш два…“.

Азар и Мурињо повторно ќе се сретнат на 20 октомври кога во рамките од деветото коло во Премиер лигата ќе играат Челзи и Манчестер Јунајтед.