Агентот: Наскоро Погба ќе биде новиот лидер на Јувентус

Агентот на Пол Погба, Рафаела Пимента зборуваше за опоравувањето на Французинот од повредата.

Погба се уште нема заиграно за Јувентус после неговото враќање, бидејќи имаше тешка повреда на коленото.

„Пол беше убеден дека со конзервативна терапија ќе се врати побрзо. Имаше за цел да се опорави што е можно побрзо за да му помогне на тимот. За среќа сега се е тоа позади него. Наскоро Погба ќе се врати и ќе биде новиот лидер на Јувентус“, изјави агентот.

29-годишниот играч за врска се очекува да се врати на терените на почетокот на ноември или на крајот на октомври. Со тоа значително ќе се зголемат шансите Погба да настапи на Мундијалот во Катар.