Абрахам: Со Мурињо за неколку недели научив колку за цела кариера

Англискиот напаѓач Тами Абрахам ова лето се пресели во Рома од редовите на Челзи и е исклучително задоволен од соработката со Жозе Мурињо.

24-годишниот Англичанец истакна дека за само неколку недели работа со „Специјалниот“ научил повеќе од колку за цела кариера.

„Жозе имаше цел. Тој имаше големо влијание врз мене во разговорите пред моето доаѓање во Рим. Апсолутно сакав да бидам дел од неговиот проект”, изјави Абрахам.

„Уживам во Рома и уживам да работам за Мурињо. Научив повеќе за тактиката од него во овие неколку недели отколку во целата моја кариера”, додаде напаѓачот, кој се врати во англиската репрезентација.