Џерард открива: Морав глумам дека ги сакам, а не можев да ги поднесам!

Легендата на Ливерпул, Стивен Џерард, после завршувањето на фудбалската кариера работи како стручен коментатор во англиските телевизии.

Џерард ги коментира натпреварите на „БТ Спорт“ во друштво на своите поранешни соиграчи од репрезентација Мајкл Овен и Рио Фердинанд. Меѓутоа во последното интервју Џерард откри интересна приказна за односнот со колегите од репрезентацијата.

„Додека настапував за Ливерпул во тунелот не можев да ги поднесам Гери Невил и Рио Фердинанд кога игравме против Манчестер Јунајтед. Потоа се случуваше да играме заедно за Англија и признавам дека морав да глумам дека ги сакам, а искрено не можев ниту да ги гледам“.

„Сето тоа исчезна кога ги завршивме кариерите. Нашето пријателство тогаш започна, а претходно тоа беше само лага и нетрпеливост. Сега сме добри пријатели и мило ми е што е така“, изјави Џерард.