Њукасл спрема богата понуда за Јовиќ

Њукасл се вклучи во трката за потписот на напаѓачот на Реал Мадрид, Лука Јовиќ пренесуваат медиумите на Островот.

Њукасл доби богати сопственици кои имаат многу амбициозен проект и ова лето се спремни да потрошат голема сума на трансфер пазарот, а Лука Јовиќ е еден од приоритетите.

Јовиќ минатото лето за 60 милиони евра пристигна на „Сантиаго Бернабеу“ од Ајнтрахт, но не успеа да се избори за минутажа во Реал и ова лето најверојатно ќе ја промени средината.

За него интерес покажуваат неколку европски гиганти, пред се Милан, но Њукасл е спремен да испрати многу богата понуда за Србинот.

Јовиќ веќе почнал сериозно да размислува за понудата и разговарал со својот сонародник Александар Митровиќ, кој помина 3 години на „Сејнт Жејмс Парк“.