Јувентус ги потврди лошите најави: Сезоната за Колумбиецот е завршена

Oд редовите на Јувентус ги потврдија најавите на италијанските медиуми со повредата на Хуан Кабал.

Кабал кој во Јувентус пристигна во летниот преоден рок како засилување во одбраната заработил повреда на тренинг во која ги скинал предните вкрстени лигаменти на левото колено.

Тоа значи дека сезоната за Колумбиецот е завршена.

„Фудбалерот Хуан Кабал мина дијагностички прегледи во „Ј Медикал“, тие ја потврдија повредата на вкрстените лигаменти на левото колено. Кабал ќе биде опериран во следните денови“, објави Јувентус.

Кабал од почетокот на сезоната добиваше солидна минутажа од Мота не се прикажа во лошо светло, а дополнителен проблем е што претходно заврши сезоната и за Бремер.