Јокиќ откри кој пораз му бил најтежок во кариерата

Српскиот кошаркар Никола Јокиќ, на прес-конференцијата што се одржа во пресрет на Ол-стар натпреварот, зборуваше на повеќе теми, меѓу кои и најтешкиот пораз во неговата кариера.

Јокиќ отворено призна дека поразот на Србија од репрезентацијата на САД на Олимписките игри, со резултат 91-95, останал како најболното искуство во неговата професионална кариера.

„Секогаш велам дека тоа е најтешкиот пораз што сум го доживеал. Натпреварот беше многу возбудлив, а имав чувство дека публиката навиваше за нас бидејќи сме мала земја. Не сум сигурен дали тоа беше затоа што сакаа САД да загуби или затоа што посакуваа ние да победиме“, изјави Јокиќ.