Јунајтед го праќа Фелаини на позајмица во…

Белгискиот репрезентативец Маруан Фелаини поминува тежок период на „Олд Трафорд“ па би можел да ја промени средината уште во јануарскиот преоден рок.

Фелаини е на удар на навивачите на Јунајтед кого директно го обвинуваат за испуштената победа против Евертон, кога Белгиецот направи пенал во последните моменти од натпреварот.

Англиските медиуми пренесуваат дека Вест Хем покажува силен интерес за Фелаини и сака да го донесе на позајмица до крајот на сезоната.

Вест Хем се наоѓа на 17 позиција во Премиер лигата, а менаџерот Славен Билиќ призна дека бара решение за средниот ред затоа што тимот го загубил интензитетот последните недели.