Јувентус ја одреди цената за Моис Кеан

Моис Кеан е еден од најперспективните фудбалери во Италија, а минатата сезона имаше доста простор за игра во Јувентус.

Кеан имаше солидна минутажа во другиот дел од сезоната и одигра неколку знајачјни натпревари. Се очекуваше дека можеби во следната сезона ќе добие уште повеќе шанси, но изгледа дека тоа нема да биде случај. Во италијанските медиуми се повеќе се шпекулира за тоа дека овој млад напаѓач ќе го напушти Јувентус, бидејќи Маурисио Сари не смета премногу на неговите услуги во новата сезона.

Кеан исто така изрази желба да си оди, бидејќи не сака да седи на клупата, а Јувентус јасно му порача дека тоа ќе се случи ако некој клуб ја активира неговата откупна клаузула. Но, по разговорот со управата на клубот, тие малку попуштија. Одлучено е дека цената за Кеан е 30 милиони евра, но со вметната клаузула во договорот дека можат да го откупат за одредена сума на пари доколку Јувентус тоа го сака.

Кеан се поврзуваше со трансфер во Севиља, а наводно интерес за него покажа и Барселона.