Јувентус сака да доведе соиграч на Несторовски?

Тимот на Јувентус е заинтересиран за доведување на аргентинскиот играч за врска Родриго Де Паул.

Овој 26 годишен фудбалер игра одлично во дресот на Удинезе. Веќе четири години е еден од најдобрите играчи за врска во Серија А и изгледа дојде време за голем трансфер.

„Спортмедијасет“ тврди дека спортскиот директор на Јувентус Фабио Партичи започнал со работа на овој трансфер и Аргентинецот би можел веќе во јануари да заврши во Торино.

Цената на Де Паул на пазарот е околу 30 милиони евра. Удинезе сигурно ќе се обиде да добие и нешто повеќе, а ќе видиме колку ќе биде спремен Јувентус да плати.

Пред Удинезе Де Паул играше уште за Валенсија и Расинг, сезонава на 13 натпревари постигна три гола и запиша две асистенции.