Јубилеј за Стефан Ристовски во дресот на Динамо

Динамо Загреб вчера славеше победа над Карабах во плеј-офот од Лигата на шампионите со 3:0 и така дојде на чекор од пласман во групната фаза од најелитното европско натпреварување.

Во овој натпревар до јубилеј стигна и македонскиот фудбалер, Стефан Ристовски. Овој натпревар за Ристовски беше негов 150. во дресот на Динамо, но и покрај победата тој нема да го памети по добро.

Ристовски поради повреда мораше да биде заменет по само 20-тина минтуи игра. Засега нема информации од каков карактер е повредата и колку ќе паузира.

Македонскиот фудбалер имаше одличен почеток на сезоната и во првите три кола од првенството на Хрватска веќе постигна два гола.