Ја смени репрезентацијата, па ќе дебитира против поранешната селекција

Фудбалерот Хулиан Араухо има право за настап за Мексико откако претходно одигра еден натпревар за САД.

20-годишниот Араухо минатиот декември настапи за американскиот национален тим против Ел Салвадор во кој победија со 6:0. Тој играше и за помладите селекции на американската репрезентација.

Како двоен државјанин имаше право да ја смени земјата за која настапува затоа што се уште не настапи на официјален натпревар за сениорите. Така го избра Мексико.

Сега Мексико во квалификациите за Светското првенство во 2022 година ќе се сретне со САД во неомври и тоа би било деби за Араухо против неговата поранешна репрезентација.