Јанис останува во Милвоки и го добива најскапиот договор во историјата

Кошаркарот на Милвоки Бакс, Јанис Адетокумбо, дефинитивно останува дел од тимот и го потпиша најголемиот договор во историјата на кошарката, пренесуваат американските медиуми.

Грчкиот крилен кошаркар по завршувањето на сезоната искажа незадоволство од фактот дека Милвоки нема тим способен да се вмеша во борбата за шампионскиот прстен и навести заминување.

После долги преговори конечно е ставен крај на „сапуницата“, па Јанис ќе стави потпис на 5-годишен договор вреден 228 милиони долари.

Адетокумбо ќе заработува во просек по 45,6 милиони долари по сезона, па така ќе ги надмине договорите на Леброн Џејмс и Дамиен Лилард од следната сезона.

This is my home, this is my city.. I’m blessed to be able to be a part of the Milwaukee Bucks for the next 5 years. Let’s make these years count. The show goes on, let’s get it. 🤎🙏🏽 pic.twitter.com/895tCBE9RK

— Giannis Ugo Antetokounmpo (@Giannis_An34) December 15, 2020