Ѓоковиќ со спектакуларен пресврт до полуфинале на Вимблдон

Новак Ѓоковиќ приреди уште еден пресврт за паметење, овој пат против Јаник Синер во четвртфиналето на Вимблдон.

Србинот имаше негатива од 2:0 во сетови и успеа да направи комплетен пресврт и да се пласира во полуфиналето.

Мечот започна добро за Ѓоковиќ поведе со 3:0, но потоа му дозволи на Синер да го врати брејот и да го освои првиот сет (5:7).

Италијанецот во вториот сет изгледаше далеку подобро и лесно го освои со 6:2 за големо водство, но потоа следуваше маестралниот пресврт на Ѓоковиќ.

Во следните три сета Ѓоковиќ ја демонстрираше својата моќ, доминираше во секој поголем и успеа да направи пресврт за пласман во полуфинале.