„Штрковите“ доминираа: Куманово не можеше да пружи отпор против МЗТ

Актуелниот шампион, МЗТ Скопје вечерва славеше против Куманово со 106:90 во рамки на 5. коло од Првата македонска лига.

МЗТ Скопје беше во водство во текот на целиот меч. Аеродромци имаа предност, периодично и двоцифрена. Најмногу што можеше да направи Куманово е да ја намали во еден момент негативата на четири поени.

Трајковски, некогашниот играч на Куманово, за плаво-белите успеа да постигне 27 поени и да се издвои на мечот. Павличевиќ во својот деби меч запиша 21 поен, а и второто засилување, Мавра постигна 17 погодоци.