Дома Фудбал Англија Шок за Челзи: Можат да бидат исфрлени од Лигата на шампионите!?

Шок за Челзи: Можат да бидат исфрлени од Лигата на шампионите!?

Настапот на Челзи во Лигата на шампионите за следната сезона е доведен под знак прашалник.

Поради продажбата која трае подолго време на Челзи му се заканува да остане без настап во Лигата на шампионите. Деталите за ваквото сценарио ги пренесува „Би-Би-Си“.

Челзи во штотуку завршената сезона го освои третото место во Премиер лигата. Избраниците на Томас Тухел не успеаа да бидат конкурентни за титулата, но си го обезбедија местото во најелитното клупско натпреварување.

Но сега можат да останат без настап. Главниот проблем на англискиот клуб е долгорочното купување на Челзи од страна на конзорциумот Тод Боели. Како што објави „Би-Би-Си“ причината за тоа што продажбата се уште не е комплетирана е Роман Абрамович.

Русинот, кој беше принуден да го продаде клубот по инвазијата на Русија во Украина, одби да им дозволи на британските министри да бидат сигурни дека приходите ќе бидат донирани во добротворни цели како што најави претходно.

Сепак, како што се испостави, ставот на милијардерот не е единствениот проблем на Челзи. Според новинарот Ден Роан, иако британската влада е подготвена да се согласи да ја финализира продажбата, ситуацијата во клубот може да биде уште покомплицирана со текот на времето.

Согласност за купување на Челзи мора да дадат и португалските министри затоа што Абрамович има и португалски пасош. Репортерот на „Би-Би-Си“ објави дека во моментов се водат разговори и со португалската влада и со Европската комисија. Целта на двете политички тела е да се обезбеди законитост на префрлувањето.

Продолжените дискусии меѓу министрите за возврат може да му наштетат на Челзи. Ситуацијата се влошува. Англиската фудбалска асоцијација е должна да го претстави списокот на екипи кои ќе играат во Лигата на шампионите.

Организацијата мора да го стори тоа до почетокот на јуни. Во таква ситуација, доколку Челзи не ја комплетира продажбата до крајот на месецот. Клубот нема да ја добие соодветната лиценца, а како резултат на тоа нема да настапи во следното издание на престижното натпреварување.

Доколку Челзи биде исклучен од Лигата на шампионите, Арсенал, кој заврши како петти на табелата од Премиер лигата, ќе има можност да игра во групната фаза од Лигата на шампионите.

Коментари
Прочитајте поврзани статии
Load More In Англија

Проверете

Готово: Газдите на Сити го купија и Палермо!

Meдиумите во Италија попладнево пренесуваат дека работата е завршена и газдите на Манчесте…