Шок во Веспрем, Пик Сегед шампион на Унгарија по 11 години пауза

Најтрофејниот унгарски клуб Веспрем доживеа уште еден шок за крај на сезоната. По раната елиминација во Лигата на шампионите, денеска тимот на нашиот репрезентативец Дејан Манасков ја загуби и титулата во домашното првенство, која заврши кај најголемиот ривал Пик Сегед.

Веспрем денеска победи во плејоф реваншот со 29:26, но тоа не беше доволно за освојување на титулата, бидејќи Пик ја доби првата средба со 32:28 и на тој начин ја прекина доминацијата на Веспрем во унгарското првенство која траеше единаесет години.