Шок во Бразил. Бранителот на титулата загуби од Аргентина, нема да оди на Олимпијада

Репрезентацијата на БРАЗИЛ нема да ја брани титулата олимписки шампион летово во Париз.

Во решавачкиот натпревар од последното, 3. коло од финалната група на јужноамериканскиот квалификациски турнир што се игра во Венецуела, Бразил загуби со 0:1 од најголемиот ривал Аргентина.

Единствениот гол за аргентинската репрезентација до 23 години, предводена од Хавиер Маскерано, го постигна Лучијано Гондо во 77. минута од натпреварот.

Аргентина го заврши натпреварувањето на второто место со пет бода, додека Бразил остана трет со три бода.

Luciano Gondou's goal for Argentina!pic.twitter.com/57YREHHJ9a

— Roy Nemer (@RoyNemer) February 11, 2024