ЧИСТКА ВО МИЛАН: Двајца на излезни врати!

Во Милан се спрема голема чистка, тврдат Италијанците.

Миланскиот клуб на крајот од сезоната најверојатно ќе го напуштат двајца фудбалери, во прашање се Рикардо Монтоливо и Кристијан Запата.

Управата на Милан сака да го олесни буџетот на клубот така што Монтоливо, кој заработува 2,5 милиони евра и Запата кој годишно заработува 1,7 милиони би можеле први да го напуштат „Сан Сиро“.

Двајцата се пречкртани за оваа сезона. Не играат стандардно, а на минатиот натпревар против Рома не беа ниту во протоколот. Монтоливо веќе долго време е на удар на навивачите, иако беше капитен на клубот.