Челзи утре ќе го назначи Тухел, Германецот ќе дебитира во среда

Томас Тухел е единствениот кандидат за тренерското столче во Челзи, откако денес клубот му врачи отказ на Френк Лампард.

Договорени се и последните детали, па единствено прашање е кога официјално ќе биде назначен за нов тренер на „сините“.

Тухел денес треба да пристигне во Лондон откако ќе даде негативен Ковид тест и ќе стави потпис на договорот со „сините“.

Англиските медиуми соопштуваат дека официјалното соопштение од клубот се очекува за утре, кога Тухел ќе го одработи и првиот тренинг со тимот.

Споре сите релевантни извори Тухел ќе биде на клупата на „сините“ во среда за мечот со Вулверхемптон.