Цената на Погба падна за 30 милиони фунти

Раководството на Манчестер Јунајтед ја намали цената на Пол Погба за 30 милиони фунти, пренесуваат англиските медиуми.

Според „Сан“, минатото лето клубот од „Олд Трафорд“ барал 180 милиони фунти – сума што ги откажа Реал Мадрид и Јувентус, кои покажуваат најголем интерес за Французинот.

Цената сега е 150 милиони, а агентот на играчот Мино Раиола е информиран дека Погба е слободен да замине во текот на летото, доколку се најде клуб да ја плати бараната сума.

Погба се уште се опоравува од операцијата на глуждот и бидејќи не е подготвен за целосен тренинг, менаџерот одлучил дека нема смисла да патува со тимот на припремите во Марбења.

Сепак, тешко дека Јувентус и Реал Мадрид ќе се согласат да платат 150 милиони фунти за Погба после ваква лоша сезона, па се очекува неговата цела додатно да падне до летниот преоден рок.