Херојот на Реал Мадрид од полуфиналето како награда добива – откуп на договорот!

Напаѓачот на Реал Мадрид, Хоселу беше херојот на вчерашниот пласман на овој клуб во новото финале од Лигата на шампионите.

Хоселу доби шанса од клупата во 81. минута кога го замени Феде Валверде. Со головите во 88. и првата минута од судиското надополнување, Шпанецот го однесе својот клуб на „Вембли“, каде што ги чека Борусија Дортмунд.

Покрај тоа што е апсолутен херој за навивачите на Реал, според најавите, Хоселу треба да добие и награда во вид на откуп на неговиот договор. Тој е на позајмица од Еспањол до крајот на сезоната и како опција од клупата се покажа како одличен избор за Карло Анчелоти.

Реал планира да го награди со договор до 2025 година и Хоселу сигурно би бил пресреќен да помине уште една година во клубот за кој и навива. Сезонава беше тој беше стрелец на 16 голови во сите натпреварувања.