Хакерите кои го нападнаа Јунајтед, сега го изнудуваат клубот за милиони

Хакерите кои пред една недела организираа напад против Манчестер Јунајтед, се уште го изнудуваат клубот  за милиони фунти.

Од „Олд Трафорд“ го определија нападот како „сложена операција на организирани престапници“, но ги смирија фановите дека се преземени мерки за санирање на штетите и дека нема да „излезат“ лични податоци на членови на клубот.

„Дејли Мејл“ тврди дека хакерите и понатаму имаат контрола над компјутерскиот систем на Манчестер Јунајтед и го изнудуваат клубот заплашувајќи ги дека располагаат со чуствителни информации. Ако не ја добијат сумата која ја бараат сите информации ќе бидат објавени во јавност.

Според законите во Англија, клубот исто така може да биде парично казнет бидејќи не успеал да ги заштити личните податоци на фановите и вработените во клубот, а се споменува сума од 18 милиони фунти.