Фофана си ја уништува кариерата во Челзи

Легендата на францускиот фудбал, Франк Лебеф го критикуваше Весли Фофана дека си ја уништува кариерата во Челзи.

Минатото лето младиот Французин инсистираше да се пресели во Челзи и направи скап трансфер од 70 милиони фунти, но има сезона за заборав.

Фофана синоќа одигра катастрофално против Манчестер Јунајтед и доби многу критики.

„Уште сакам да верувам дека не грешам и дека ќе ја поправи својата кариера, бидејќи има квалитет кој е потребен да биде еден од најдобрите централни дефанзивци на светот. Но, сега е во голем клуб и мора да порасне многу бргу и да не го оштетува својот тим. Неговата реакција за пеналот беше наивна и покажува дека е незрел и дека мора да порасне. Вака во Челзи си ја уништува својата кариера“, изјави Лебеф.