Дома Фудбал Останато ФИФА и УЕФА определија тешки казни за клубовите кои ќе учествуваат во Суперлига

ФИФА и УЕФА определија тешки казни за клубовите кои ќе учествуваат во Суперлига

Светската фудбалска федерација и шестте конфедерации кои ја градат структурата на организацијата – УЕФА, АФК, КАФ, КОНКАКАФ, КОМНЕБОЛ и ОФК денес излегоа со остро официјално соопштение во однос на формирање на европска Суперлига.

Раководството на ФИФА предупредува дека секој клуб и секој играч, кој ќе земе учество во Суперлигата, ќе биде исклучен од сите официјални натпевари под капата на ФИФА. Во соопштението се дополнува дека единственото ново натпреварување кое го признава е Светското клупско првенство.

Ова соопштение беше официјално објавено денес откако вчера претседателот на Реал Мадрид, Флорентино Перез имаше тричасовна средба со претседателот на Јувентус, Андреа Ањели.

Наводно двајцата разговарале за формирањето на Суперлигата, а неодамна поранешниот претседател на Барса, Бартомеу потврди дека европските гиганти спремаат Суперлига и дека Барселона ќе учествува во тоа натпреварување.

Причината поради која ФИФА и УЕФА остро се спротиставуваат на Суперлигата е финансиска, бидејќи се претпоставува дека ова натпреварување ќе ја „засени“ Лигата на шампиони и ќе ги собери сите спонзорски договори.

Коментари
Прочитајте поврзани статии
Load More In Останато

Проверете

Ситуацијата поради која навивачите на Звезда долго ќе жалат

Екипата на Милан некако успеа да ја елиминира Црвена Звезда и да го осигура пласманот во о…