Дома Фудбал Останато Фиго назначен за советник во УЕФА

Фиго назначен за советник во УЕФА

0

Португалската фудбалска легенда, Луис Фиго се приклучи на Европската фудбалска асоцијација и од денес ќе биде советник на УЕФА.

Во текот на својата кариера долга скоро две децении Фиго освои многу титули и индивидуални награди. Сега тој ќе се обиде своето знаење да го пренесува во УЕФА и се приклучува на оваа организација во улога на советник.

44-годишниот Фиго, кој освои повеќе од 20 трофеи во кариерата во Спортинг Лисабон, Барселона, Реал Мадрид и Интер ќе работи со претседателот на УЕФА, Александер Чеферин на голем број технички и легални работи, а ќе продолжи да биде и амбасадор на фудбалот.

„Луис Фиго беше фантастичен фудбалер кој беше пример како еден спортист треба да се однесува на теренот, но и надвор од него. Тој е почитувана личност во овој спорт и навистина сум задоволен што ќе биде дел од нашиот тим. Неговото огромно фудбалско искуство ќе биде од големо значење за УЕФА“, изјави Чеферин.

Именувањето на Фиго е дел од планот на Чеферин за вклучување на повеќе поранешни играчи во процесот на одлучување во УЕФА.

Коментари
Прочитајте поврзани статии
Повеќе P. K.
Load More In Останато

Проверете

Марадона се обрати и откри кога последен пат конзумирал дрога

Диего Армандо Марадона им се обрати на своите фанови преку својот Фејсбук профил. Според м…