Фернандињо нема повеќе да игра за Бразил… поради закани!

Фудбалерот на Манчестер Сити, Фернандињо одби да го носи дресот на бразилската репрезентација поради закани кои му беа упатени кон него и неговото семејство.

На крајот на Светкото првенство, Фернандињо наводно добил закани, па на семејството му ветил дека повеќе нема да настапува за националниот тим.

„По разговорот со него, ми беше јасно дека во тимот имам несреќен играч. Јавноста беше многу груба кон него, а семејството му добиваше закани. Поради тоа не е подготвен да се врати. Се надевам дека еден ден ќе биде поинаку“, откри селекторот Тите.

Фернандињо од 2013. година е во Манчестер Сити и на 181 натпревар постигна 18 погодоци, додека во дресот на Бразил на 49 дуели постигна два погодоци.