Фекир го обвини Ливерпул: Клубот кажа многу лаги!

Сагата околу пропаднатиот трансфер на Набил Фекир во Ливерпул продолжува.

Французинот беше на чекор од трансфер на „Енфилд“, но во последен момент трансферот пропадна со изговор дека играчот има проблеми со коленото.

Фекир кој ова лето се пресели во Бетис го обвини Ливерпул дека лажел за неговата здравствена состојба.

„Кажаа многу лаги за мене. Особено тоа што беше кажано за моето семејство. Вистината е дека јас ги поминав лекарските прегледи и тие решија да не потпишат со мене. Во еден момент тие сакаа да поверувам дека проблем е коленото, но тоа беше само лага“.

„Проблемот е што поради таа лага се откажаа и други клубови кои беа заинтересирани за мене во тој период. Медицинските тестови покажаа дека Ливерпул лажеше“, изјави Фекир.