Уште еден хрватски фудбалер од златната генерација се прости од репрезентацијата

Уште еден важен член од генерацијата на Хрватска кој го постигна најголемиот репрезентативен успех освојувајќи сребро на Мундијалот во Русија во 2018 и бронза четири години подоцна во Катар стави крај на репрезентативната кариера.

Дресот на репрезентацијата на Хрватска повеќе нема да го носи Марсело Брозовиќ. Фудбалерот од средниот ред повеќе нема да биде на располагање на селекторот Златко Далиќ и местото ќе го отстапи на помладите.

Фудбалерот кој го носи дресот на Ал Наср за Хрватска собра 99 настапи во кои постигна седум погодоци.