УФЦ се огласи, но не за Кабиб, туку за Мекгрегор!

Ирскиот борец Конор Мекгрегор кој беше поразен во неделата од Кабиб Нурмагомедов во борбата за титулата во лесна категорија е суспендиран од страна УФЦ.

Мекгрегор го предаде мечот откако беше „загушен“ од Кабиб на крајот од четвртата рунда. По завршувањето на борбата се случија голем број скандали и сега се чека да се огласи УФЦ.

УФЦ денес тоа и го направи, но не за случајот на Кабиб, туку објавија дека Мекгрегор е суспендиран на еден месец. Медицинскиот тим на УФЦ го прегледал Конор после борбата и поради повредите кој му ги нанел Кабиб одлучија да му забарант било какви борби во наредниот месец.

Американските медиуми пренесуваат и дека комисијата во Невада поради случувањата на оваа борба може и дополнително да го казни Ирецот.