Ужасна статистика на Санчез, собори и негативен рекорд во Премиер лигата

Алексис Санчез е непрепознатлив…

Манчестер Јунајтед во вчерашниот ден го забележа и петиот пораз оваа сезона во Премиер лигата, а на ударот на јавноста покрај Пол Погба беше и Алексис Санчез.

Чилеанецот беше непрепознатлив, одигра катастрофално, впрочем како и целиот тим на Мурињо.

Сепак, Санчез привлекува посебно внимание кај навивачите кои само еден ден претходно го исмеваа настапот на Хентрик Михтаријан во дербито помеѓу Тотенхем и Арсенал.

Санчез имаше процент од само 64% успешни додавања, во превод секоја трета топка ја изгубил, немаше ниту еден шут во рамките од голот, а секој втор дриблинг му беше неуспешен.

Не ниту тука крајот, Санчез изгубил дури 36 топки на овој натпревар што е рекорд во Премиер лигата, а од кога пристигна од Арсенал тоа му се случило дури 125 на четири натпревари во дресот на „црвените ѓаволи“.

Покрај тоа ова е втор гостински пораз во низа Јунајтед со Санчез во тимот, после Тотенхем, а Чилеанецот исто така и на тој натпревар беше под своето ниво.