УЕФА ги менува правилата поради Челзи?

Европската куќа на фудбалот (УЕФА) наскоро планира да ги промени правилата за трансфери затоа што Челзи пронајде „дупка“ која ја искористи за да ангажира голем број фудбалери.

УЕФА е подготвена да ја затвори „дупката“ која на Челзи му овозможи да потпишува договори долги седум-осум години и така да ги одложи трошоците.

Голем број англиски гиганти го нападнаа тимот од Лондон дека се обидува да ги заобиколи правилата на Финансискиот фер-плеј со користење на амортизација на трошоците.

ФИФА одредува максимална должина на договор до пет години, но постојат исклучоци, кои ги искористи Челзи за да купи неколку засилувања.