Тухел ја сака ѕвездата на Челзи

Новиот тренер на Баерн Минхен, Томас Тухел сака да го донесе фудбалерот на Челзи, Мејсон Маунт на „Алијанц Арена“.

Иднината на Маунт на „Стенфорд Бриџ“ е неизвесна откако не може да се договори со клубот за нов договор.

Маунт на лето ќе влезе во последната година од договорот, па Челзи е спремен да го продаде, а сега и Баерн Минхен се вклучи во трката за неговиот потпис.

Ситуацијата будно ја следат Манчестер Јунајтед и Ливерпул кои се силно заинтересирани за англискиот репрезентативец, но Тухел сака да ја победи конкуренцијата.

Челзи за неговата слобода бара 50 милиони евра, сума која Баерн нема да има проблем да ја плати.