Тухел: Во пет дена примивме седум голови, не знам што ни се случува

Meнаџерот на Челзи, Томас Тухел е разочаран од настапите на својот тим во последно време.

Популарните „Сини“ вчера беа поразени во првиот натпревар од четвртфиналето во Лигата на на шампионите против Реал Мадрид со 3:1. За пласман во следната фаза потребно им е чудо.

„Немам објаснување за нашата игра. Имавме долга победничка низа, а вчера првото полувреме навистина не беше добро“, изјави Тухел, па порача дека не знае што се случило со неговиот тим после репрезентативната пауза.

„Со ваква игра сигурно дека немаме шанси да поминеме понатаму. Мораме да пронајдеме решение, не знам што ни се случи после репрезентативната пауза, во пет дена примивме седум голови и тоа е алармантно“, истакна германскиот стратег.