Торино ја „заклучи“ својата ѕвезда: Договор до 2021 и клаузула од 100 милиони!

Напаѓачот на Торино Андреа Белоти е најголемото откритие оваа сезона во Серија А, па многу големи клубови ширум Европа сакаат да го имаат во своите редови.

Поради тоа Торино експресно реагираше и го „заклучи“ напаѓачот со нов договор до 2021 година, и откупна клаузула од 100 милиони евра.

Белоти игра во голема форма од почетокот на сезоната, има постигнато 11 голови, а се избори и за место во италијанската репрезентација.

Кариерата овој напаѓач кој наскоро ќе наполни 23 години ја започнал во Албинолефе, а во 2015 година од Палермо се преселил во Торино.

Клузулата од 100 милиони евра важи само за клубовите надвор од Италија, а најсериозен интерес за него на Апенините покажуваат Милан и Наполи.