Толку од НБА: Српскиот џин по девет години се враќа во Европа?

Според последните информации, Бобан Марјановиќ е на добар пат по девет години да си замине од НБА лигата.

Најавите се дека Марјановиќ повторно ќе биде дел од европската кошѓарка. Српскиот џин во овој момент е без договор и нема понуда од најсилната лига во светот, па така реална е опцијата да го видиме во некој од клубовите на Стариот континент.

Како најзаинтересиран во овој момент се споменува тимот на Бешикташ. Турскиот клуб е дел од Еврокупот, а на доведување на Марјановиќ инсистира и тренерот Душан Алампијевиќ. Тој верува дека Марјановиќ е алката која недостасува за да влезат во борба и за трофејот во Еврокупот.

Од договорите во изминатите години со Сан Антонио, Детроит, Далас, ЛА Клиперс и Хјустон, Марјановиќ заработи околу 40 милиони долари, а информациите на медиумите се дека кариерата сака да ја заврши со две години во Европа.