Тодоровски промовиран во Раднички Ниш

Откако го напушти Осијек Тодор Тодоровски потпиша за Раднички Ниш.

Тодоровски спогодбено го раскина Осијек, а сега потпиша двегодишен договор со Раднички.

„Мило ми е што доаѓам во клуб како Раднички. Знам каква историја има овој клуб, луѓето ми го презентираа проектот и амбициите за иднината. Не ми беше тешко да ја донесам одлуката. Подготвен сум да помогнам и да бидам во конкуренција за натпреварот со Напредак“, изјави Тодоровски.