Хозе Мартин Урбано, легендарниот тренер на Уникаха, почина додека го следеше натпреварот на својот oмилен клуб против Дижон во Еврокупот во средата навечер.
Шпанските медиуми пренесуваат дека 72-годишниот Урбано се почувствувал лошо за време на натпреварот. Присутните во салата се обиделе да му помогнат во салата, но за жал фаталниот исход не можел да се избегне. Пред две недели, Урбано имаше операција на срцето.
Урбано во клубот пристигна како асистент во првиот златен период (1988, 1989), кога тимот од Малага се пласираше во првото европско натпреварување, тогашниот „Куп на Радивоје Корач“. Во клубот ги извршуваше сите функции, од директор на детската академија до тренер на првиот тим.
Тој е познат како човекот кој ги постави темелите на модерната Уникаха, која со години е на врвот на шпанската и европската кошарка.
Учество во игри на среќа е дозволено за лица со 18+ години. Играј одговорно!