Дома Фудбал Германија Тага во Дортмунд, еуфорија Минхен: Борусија си дозволи да ја изгуби титулата!

Тага во Дортмунд, еуфорија Минхен: Борусија си дозволи да ја изгуби титулата!

Се беше подготвено за славје во Дортмунд, навивачите со часови претходно го чекаа натпреварот пред „Вестфален“ , а на крајот дочекаа – шок и разочарување!

Борусија Дортмунд одигра реми со Мајнц 2:2. Мајнц немаше притисок и влезе растеретено во дуелот без некаков резултатски императив и тоа можеше да се забележи на теренот.

Вардар сигурен, Шкендија има шанси, Силекс и Работнички тешко! ↓↓↓


Првиот шок за навивачите на „Вестфален“ стигна по само 15 минути кога гол постигна Ханче-Олсен. Само четири минути подоцна Борусија доби прилика за изедначување, но Себастијан Але не реализираше пенал.

Казната стигна во 24-тата минута кога Онисво погоди за 0:2. Проблемите за избраниците на Терзиќ продолжија кога пред крајот на полувремето се повреди Адејеми.

Постигна два гола Борусија во вториот дел преку Геререро и Зуле во самата завршница, но тоа не беше доволно .

Баерн играше против Келн и го искористи овој подарок од големиот ривал во последното коло.

Драматична беше завршницата во Келн, Баерн поведе во осмата минута и тој резултат беше актуелен се до 81-та минута кога Љубичиќ од пенал донесе нова надеж за титула на Борусија.

Херој на Баерн беше Џамал Мусиала кој погоди во 89-тата минута, а во игра влезе само четири минути претходно.

Коментари
Прочитајте поврзани статии
Load More In Германија

Проверете

Ајнтрахт одби 80 милиони од Њукасл за Екитике

Ајнтрахт Франкфурт ја отфрли понудата од Њукасл за Уго Екитике, пренесува Флоријан Плетенб…