Суарез: Не е вистина се што слушате

Уругвајскиот напаѓач Луис Суарез ова лето многу веројатно ќе ја напушти Барселона затоа што новиот тренер Роланд Куман не смета на него.

Холандскиот стратег кој само што ја превзема Барселона отпиша веќе неколку првотимци меѓу кои е и Суарез. Наводно на Уругваецот со еден телефонски повик му соопштил дека не смета на него.

Суарез секако не заслужил на таков начин да му се каже дека не е потребен, но тоа е уште една потврда дека во Барселона работата не е како што треба.

Многу се пишуваше за Суарез овие денови и една од веста беше дека бара голема оштета и во спротивно нема да замине. На крајот тоа го демантираше и се огласи преку Инстаграм.

„Постојат луѓе кои зборуваат во мое име или зборуваат некои работи за мене. Јас ќе зборувам за себе кога ќе треба. Не е вистина се што слушате“, напиша Суарез.