Струмица не можеше да му парира на актуелниот шампион МЗТ Скопје

МЗТ Скопје славеше на гостински терен против Струмица во македонската лига со резултат 77:95.

Иако Трајковски не играше на денешниот меч, актуелниот македонски шампион немаше особени проблеми против денешниот противник. Првата четвртина Металците остварија двоцифрена предност 16:31, додека на полувреме домаќинот имаше негатива од 26 поени, односно 35:61.

До крајот Аеродромците одиграа рутинирано и на крајот славеа со конечни 77:95.

Во редовите на МЗТ најпрецизни беа Мекиќ и Маслинко со постигнати 16 поени, додека на спротивнатас страна тоа беше Тајлер со постигнати 17 поени.